* Todo o día haberá posto de polbo, churrasco e outros petiscos. Anímate e ven xantar e cear con nós!

TRES POR CATRO

Presentación do traballo COMPOSICIÓNS DE PACO DA FONTE E MÚSICAS DE ULTRAMAR deste grupo de músicos da comarca, coñecidos polo seu activismo permanente en prol da música tradicional galega.

Historias do Cebreiro

 

 

PACO NOGUEIRAS

“Radio BULEBULE”, é o novo libro-CD de PACO NOGUEIRAS publicado por KALANDRAKA, con ilustracións de David Pintor e videoclips dirixidos por José Miguel Sagüillo.

"Abre as orellas, palabras a voar saíndo pola antena, aterrando polo chan. O falar non ten cancelas, vai de aquí para acolá. Chega a radio falangueira que te vai facer pensar"

As cancións deste libro-disco dirixido a público infantil e familiar dispóñense ao xeito da grella de programación dunha peculiar emisora na que non faltan sintonía de entrada, axenda cultural, magazine de variedades, faladoiro, noticias, información deportiva e ata previsión meteorolóxica. Intercalados entre os doce temas tamén están presentes as transicións, os indicativos, os sinais horarios e outros elementos sonoros propios do medio radiofónico, co que Paco Nogueiras destaca o papel da comunicación como canle de expresión e coñecemento, intercambio de opinións, nexo entre culturas e exemplo de avance tecnolóxico.

Os ritmos modernos, pegadizos e bailables caracterizan estas composicións, seguindo o estilo de “Brinca vai!”. Co que fora o seu primeiro traballo discográfico propio, Paco Nogueiras recibiu o Premio Martín Códax da Música 2016 na categoría infantil e durante os últimos anos percorreu numerosos escenarios, festivais, escolas e bibliotecas de toda Galicia.

https://www.facebook.com/RadioBulebuleBrincaVai/

Abre as orellas

 

 

DUENDE CIRCO

Duende Circo é a creación de Víctor Cantero, un ser adicado a revolucionar e a sorprender, en calquera momento e lugar.

Habilidades e fracasos para tódolos públicos. Humor, malabarismos, música e maxia; son algúns dos ingredientes deste explosivo cóctel.

De natureza nómada, representou e representa en múltiples escenarios, escolas, salas de festas, festivais, etc.

https://duendecirco.jimdo.com/galego/duende-circo/

Actuacion Duende Circo

 

CE ORQUESTRA PANTASMA

Baixo Cé Orquestra Pantasma agóchase o vigués César Freiria, músico autodicacta e apaixoado dos instrumentos musicais. Comezou a súa andaina musical aos oito anos dentro da música tradicional e dende aquela non deixou de navegar polos variados estilos da musica popular, chegando a formar parte de grupos tan dispares entre si como A Roda ou banda de punk Oxtiax ke te Pariu.

http://www.ceorquestrapantasma.com/

https://www.youtube.com/watch?v=BrRrLQNtMRM

https://www.youtube.com/watch?v=QFFQYT8mm1k

 

 

RADIO COS

RADIO COS famosos pandeireteiros que fan evolucionar a música galega de raíz de forma natural. Xurxo Fernandes y Henrique Peón, cantantes e percusionistas do grupo, son dous referentes no eido da investigación etnográfica en Galiza.

As melodías empregadas neste proxecto pertencen a arquivos de gravacións de campo propios, un traballo que levan facendo por toda Galiza desde fai máis de tres décadas. Radio Cos estiveron casi nove anos percorrendo escearios por Bélxica, Inglaterra, Escocia, Bretaña e Galiza, transmitindo o seu xeito de entender a nosa música tradicional.

Este primeiro disco seu, homónimo, conten unha enorme variedade de música de raíz que conxuga a sonoridade máis arcaica con diversos elementos da propia tradición, pero tamén con melodías axenas que gardan relación ca Galiza.

A banda de Radio Cos conformana tres prestixiosos músicos: Pedro Lamas ( gaita e saxo soprono), Nikolay Velikov (violín) e Xan Panpín (acordeón).

O seu traballo, concebido con forza e ledicia, quere reivindicar a invisibilidade que sofren as chamadas “culturas minorizadas”, a pesares de estar ahí permanentemente e de ser verdades habituais manifestamente palpábeis.

RadioCos.gal

Sete Cuncas

 

 

 

TIRULEQUE

Tiruleque naceu como banda en 2002, ano no que se reuniron cinco rapaces procedentes da música tradicional e cunhas inquedanzas musicais compartidas.

O proxect o musical iniciouse como quinteto tradicional que mesturou as fontes da tradición da música galega -tanto a través de recollidas como recurrindo aos cancioneiros- con outras moitas influencias que ao longo dos anos empurraron o grupo a incorporar distintos instrumentos cos que levar máis alá esa tradición. Dese xeito, o grupo conseguiu acadar maior expresión, maiores posibilidades e un son propio que se plasma nos discos autoproducidos Tiruleque (2009), Mu!! (2013) e agora Outro que tal baila (2018).

Co seu repertorio actuaron nos principais festivais de música tradicional e folk de Galicia. TIRULEQUE deixa constancia da calidade os seus directos coa participación en festivais como o Festival do Mundo Celta de Ortigueira, Pardiñas ou Beltaine -Avilés Intercélticu. A nivel internacional participou representando a Galicia no 41º Festival Intercéltico de Lorient. Tén compartido escenario con artistas da talla de Milladoiro, Xosé Manuel Budiño, Susana Seivane, Uxía, Treixadura, Quempallou ou Kepa Junkera, entre outros.

Tiruleque presenta en Febreiro de 2018 en “Outro que tal baila”, o seu terceiro traballo discográfico, un repertorio orientado á música de festa e de baile, explorando novas posibilidades partindo da música galega. O título do álbum significa unha auténtica declaración de intencións, xa que define perfectamente o espírito deste grupo que, disco tras disco, busca promover música bailable con pura raíz galega.

Facebook Tiruleque

A Señá Lisandra

 

 

MEIGHACHIMPÍNS

Coma nos últimos anos, convidase ós veciños da parroquia a que decoren os seus chimpíns con motivos vexetais, como mostra do achegamento e da interdependencia coa natureza. Os chimpíns así engalanados concentranse no torreiro do festival e pola tardiña farán un percorrido festeiro pola zona, chamando a tódala xente á festa e a diversión.